Gartenarbet mach wer well
Umeschtäche, Uchruut raufe
Hett ich doch e guëti Schtell
Würd ich s Gmües vom Zahltag chaufe
Ich ha ggläse i de Ziitig
Bi de Poscht, da bruuchis Lüüt
Büez vom Mèèntig bis am Friitig
Und me machi’s nöd für nüüt
Anschtatt i mim Garte häckle
Wië n en schtuure Vegischöschtler
Wird ich mir das Pöschtli päckle
Und bi morn en Päcklipöschtler
N.B.
Chan hie und da es Côtelett schpachtle
Dank Arbet mit Zalando-Schachtle.
