Wänn a de Wiënacht d Sune lacht
Chasch au de fehlend Schnee verschmerze
De Duft vo Tanebaum und Cherze
Isch ggnuëg, dass es eim zfriede macht
Hät’s i de Hööchi schöne Schnee
Müend d Schportler ja nöd umesitze
Au d Chind chasch deet bim abwärts flitze
Uf ihrne Schii und Schlitte gseh
Im Tal sind grüeni Wisebänder
Doch ehner schöner als de Pflotsch
Das meint sogar de Huuswart Pfänder
Ja, s Wätter macht nöd was du wotsch
Und luëget nöd uf de Kaländer
Da jammeret nu Depp und Totsch
