Z Winti säit me Pünte

S heisst z Dütschland Laubekolonie
Und z Züri Schrebergarte
Am Summerabig ziëht s eim hii
Vil möged s chuum erwarte.

Bi eus sind s d Pünte rund um d Schtadt
Wo me cha s Läbe ggnüsse
A schöne Ȫȫbig findt me s glatt
Cho s Gmües und d Bluëme güüsse.

Me ghört vil Schprache rund im Ggländ,
Gseht bunti Fähne tanze,
Vo Lüüt, wo z Winti Heimet händ
Und eignigs Gmües tüend pflanze.

Dië Hüttli, Bänkli, Chämigrill
Sind toll zum Zämesitze
Me brȫȫtlet, singt und lachet vil
Vergisst de Chrampf und s Schwitze.

Wo s Bier so chüel dur d Kehle rünnt
De Wii im Glesli funklet
Das isch am Abig i de Pünt
Wänn s ersch am Zäni dunklet.

So hocked doch i eune Schpünte
Eus gfallt s vil besser i de Pünte!