(Marsch im 6/8-Takt)
Es Sports-Iutiliti-Wiiegghel
Das findt nöd jede schlau
En Schlepper uf `me Riisegschtell
Offroader, säit me au
Es seig für Lüüt wo zeige wänd
Chli höcher und chli breit
Dass sie gern ihres Gält uusgänd
Für Schutz und Sicherheit
Refrain:
Hollerii, holleroo
S isch gliich wänn s öppis choscht
Holleroo, hollerii
Was choscht isch nu de Moscht
Es Sports-Iutiliti-Wiiegghel
Das schützt nöd jede gliich
Es schüüst mit Xenonschii so hell
Und macht us dir e Liich
Was muësch du aber au so blöd
Dem Gfährt i d Queeri choo
En Auto-Schportler chann doch nöd
Uf d Bräms wäg jedem Floh
Refrain:
Hollerii, holleroo
Was gaht dè Löli z Fuëss?
Holleroo, hollerii
Jetz hät er siini Buëss!
Hollerii, holleroo
Schtatt blöd dur d Strasse z laufe
`Lleroo, hollerii
Söll er en Cayenne chaufe
