Me kännt sit vilne hundert Jahre
Räbsorte, d Vilfalt isch so riich
Pass uuf, uf eimal muësch erfahre
Dass s mängisch Näme sind für s Gliich
Heisst s bi eus z Winti Blauburgunder
So isch s im Wälschland Pinot noir
Am Zürisee git s druus, o Wunder
En fruchtig-feine Klevner gar
Chiavenna heïg ‘mal Cläven gheisse
De Jürg Jenatsch heïg ase gsäit
Do heïgets bim s Bergell uuf Schteisse
Vältliiner-Schtöck uf Schtääfe träit
Us dere Sorte, ohni z bschiisse
Da git s sogar no Fäderewiisse
Illustration Roland Bärtsch, Egg b. ZH
