Musig

Musig isch wi Wii
Musig fahrt drum ii
Musig chann is z Lache
oder z Hüüle mache

Musig hilft bim Träume
Musig guslet nöime
Musig chann Vertroue
und Luftschlösser boue

Musig chann is nerve
Musig us Konserve
Musig gaht dur Schtei
und dur March und Bei

Musig Saiteggwimmer
Musig Liëchtshow-Ggflimmer
Musig mal in Schale
Oder i Sandaale

Musig ziëht is aa
Musig bliibt beschtah
Musig isch erhaabe
S grööscht vo allne Gaabe.

.