Die Fragen stellte F.R. Ugly

Herr Hans, was isch Ihri Meinig zu de Empfelige vo de Parteïe, wië me dè schigganöösi Schtimmzädel zur Uusschaffigsiniziatiive söll uusfüle?

Ich käne nu zwoo Empfelige. Vo de SP zweimal Nei und es Chrüüzli bim Gägevorschlag. Vo de SVP Ja zu de Iniziatiive und Nei zum Gägevorschlag und es Chrüüzli bi de Iniziatiive.

Meined Sie nöd, es empfeli au no öpper zweimal Ja und es Chrüüzli wo me grad will?

Momoll, das mached vilich dänn di Meischte. Wil s ene gliich isch, wië dä unpassendi Flick i de Verfassig für d Uusschaffig luutet, wo sowieso nöd chan iighalte und umgsetzt werde.

Und wië werded dänn Sie sälber schtimme?

Ich mache wahrschiinli drüü Chrüüzli.

Händ Sie au e son e prononciërti Meinig zur Schtüüriniziatiive?

Ja. Das git en Schuss in Ofe. Wä me will d Kantöön verruckt mache, dänn mues me ne nu bi de Schtüürpolitik wele driirede. D SP tscheggets nië, wië s Volk tigget.

Beed Iniziatiive sind blöd und nüüt als reini Wahlpropaganda. Es reins Ärgernis. D Lüüt ärgered sich immer meh über d Parteïe und gönd immer weniger go schtimme.

Herr Hans, mir bliibed au da wieder draa und danked für das Gschprȫȫch..