Es Söifeblööterli, es Wassertröpfli,
zwei stolzi Glänzer, hell im Suneschii.
Und beidi jetzt im schönschte Sunntiggwand,
mit Schimmer, rägebogefarbig tänzig,
mit Glimmer, hosebodenartig glänzig.
O Früeligssune, giengtisch nië verbii
da am Schpaliër, da a de Schöpfliwand.
So schtolz sind beidi und so ewig sicher.
Git’s ächt fürs Funkle hüt en Siegerpriis?
Für schtarchi Blööterli und au für zäächi Tröpfli,
wo niëmer glaubti, s chönnt ’ne öppis ggscheh,
wo niëmer ahnti, s chönnt bald öppis gèè.
Au grosse Glänzer lauft’s mal zimli fies.
S wird au passiëre a de Wand vom Schöpfli.
Wer isch de Schönschti? Glänzed, hopp!
Scho z schpaat, …vergiss es, …plupp! und plopp!
.
Illustration Roland Bärtsch, Egg b. ZH
