Donner und Doria!
Dië chömed mit Ross und Wage,
Krethi und Plethi,
und fahred chrüüz und quer,
vo Pontius zu Pilatus.
Und zwar mit Pauke und Trumpete.
Hüscht und hott.
Si frässed und suuffed, alls durenand:
Chruut und Rüebli,
Späck und Bohne.
Zuëschtänd wië Sodom und Gomorra.
Schimpf und Schand!
Bluët und Bode sind verrate.
Alls drunder und drüber
und zwar samt und sonders.
S muës eifach sii: ghaue oder gschtoche.
Nolens volens gitts es Unglück.
S isch ales nu Schall und Rauch.
Drum gönd s under mit Mann und Maus;
mit Huut und Haar.
Da nützt weder Schmiëre no Salbe.
Da chasch meh oder weniger säge:
S isch ghupft wië gschprunge.
S isch Hans was Heiri.
Chrüüz und Rüebli,
Chruut und quer,
schmiëre und schpringe,
hüpfe und salbe:
S isch Hämp was Hose,
s isch Fläck was Mose.
